ЗАБЕЛЕШКИ ОД КОНЕЧЕН ИЗВЕШТАЈ ЗА ИЗВРШЕНА РЕВИЗИЈА НА УСОГЛАСЕНОСТ НА ТЕМА „ПЛАТИ И ДОДАТОЦИ НА ПЛАТИ НА АДМИНИСТРАТИВНИ СЛУЖБЕНИЦИ ВО РЕПУБЛИКА СЕВЕРНА МАКЕДОНИЈА‘‘ ОБЈАВЕН ВО МАРТ 2024 ГОДИНА

Државниот завод за ревизија изврши ревизија на усогласеност на тема „Плати и додатоци на плати на административните службеници во Република Северна Македонија“ со цел да утврди дали платите и додатоците на плати на административните службеници восите материјални аспекти, се во согласност со релевантната законска регулатива, стратешките документи и воспоставени политики за периодот од 2021 година до 2023  година.

Од правен аспект со ревизијата опфатени се сите закони со кои се регулираат платите и додатоците на плата на административните службеници.

Притоа, дадено е појаснување на пресметката на платите со која платата на административните службеници се состои од: основна компонента и исклучителна компонента

Основната плата се состои од:  дел на плата за степен на образование, дел на плата за ниво, минимална плата и дел на плата за стаж.

Исклучителната компонента  ја сочинуваат: додаток на плата за посебни услови за работа, додаток на плата заради прилагодување кон пазарот на трудот и/или додаток на плата за ноќна работа, работа во смени и прекувремена работа

Извештајот напоменува дека  постои потреба од усогласеност на законот со Општиот колективен договор за јавниот сектор во делот на начинот на утврдување на платата.

Притоа, при анализата на платите се утврдени следните ставки:

• со воведување на минималната бруто плата во март 2022 година (во износ од 26.422 денари) при пресметката на платата во април 2022 година, основната плата за месец март 2022 година се зголемила од околу 1% до 26% по звање, – во март 2023 година минималната плата се зголемила и истата изнесува 29.739 денари, поради што и износот на основната плата се зголемил од над 4 % до 12% по звање,
• основна бруто плата на административните службеници во септември 2023 година се движи од 32.892 денари за помошно-стручен административен службеник од четврто ниво до 85.761 денари бруто месечна плата за секретар од прво ниво,

• уште поголема разлика се појавува при анализа на основната бруто плата за исто работно место во две различни институции. На пример: платата на раководител на сектор – разликата се движи од 67 илјади денари до 125 илјади денари , помошник раководител на сектор – разликата се движи од 59 илјади денари до 110 илјади денари, советник – разликата се движи од 47 илјади денари до 85 илјади денари, виш соработник – разликата се движи од 44 илјади денари до 82 илјади денари и соработник – разликата се движи од 43 илјади денари до 79 илјади денари. За оваа состојба во извештајот стои дека не е во согласност со Потцел 2.4. Воспоставување на унифициран и кохерентен систем на плати во јавниот сектор

Извештајот дава препораки да се изврши усогласување на платите согласно одредбите на новиот Закон за административни службеници и Законот за вработените во јавниот сектор.

АВТОР: Лилјана Алексова